Объявление об очередном приеме в аспирантуру на 2022/2023 учебный год

АԤСНЫ АҬҴААРАДЫРРАҚӘА РАКАДЕМИА ирыланаҳәоит 2022–2023-тәи аҵарашықәс азы аспирантурахь адкылара шыҟало абарҭ азанааҭқәа рыла:
  1. «Афольклорҭҵаара» (10.01.09) – 2 ҭыԥк;
  2. «Аԥсны аҭоурых» (07.00.01) – 2 ҭыԥк;
  3. «Аекономикеи жәларрынхамҩа аусбареи» (08.00.05) – 2 ҭыԥк;
  4. «Апатологиатәфизиологиа» (14.03.03) – ҭыԥк (1);
Аспирантура аҭаларазы арзаҳал ҩтәуп Аԥсны аҭҵаарадыррақәа ракадемиа апрезидент ихьӡала. Арзаҳал иацҵатәуп анаҩстәи адокументқәа: – иреиҳау аҵаразы адипломи уи агәылаҵеи рыхкьыԥхьлаа; – азҵаабӷьыц (анкета); – аспециалистцәа ҿарацәа рзы изылгаз аҵараиурҭа Аҵаратә хеилак аилатәара аԥкаанҵа агәылҩаа; – иалху азанааҭ ала ареферат (кьыԥхь бӷьыцк рҟынӡа) иазԥхьагәаҭоу аҭҵаарадырратә напхгаҩы ихҳәаа ацҵаны; – акьыԥхь збахьоу аҭҵаарадырратә усумҭақәеи, анџьнырра-техникатә ԥҵамҭақәеи, аҭҵаарадырратә усура аҳасабырбақәеи рсиа; – апатреҭқәа 4 (шәагаала 3х4 иҟоу); – амедицинатә ршаҳаҭга № 286-тәи аформа; Атәылауаҩшәҟәи иреиҳау аҵаразы адипломи хаҭала ицәыргатәуп. Адкыларатә ԥышәарақәа мҩаԥгахоит 2022 шықәса, абҵарамза 14 ԥхынҷкәын 25-нӡа; Аԥышәарақәа қәҿиарала ирхысыз аспирантура иахыԥхьаӡалахоит 2023 шықәса, ажьырныҳәа 1 инаркны. Адокументқәа рыдыркылоит 2022 шықәса, цәыббрамза 1 инаркны жьҭаарамза 14-нӡа Аԥсны аҭҵаара дыррақәа ракадемиа аспирантуреи акадрқәа разыҟаҵареи рыҟәшаҿы абри аҭыӡҭыԥ ала: ак. Марр имҩа, 9; аҭел: 771–23–45; 226–66–33. ААР аспирантуреиакадрқәаразыҟаҵареирыҟәша Академия наук Абхазии объявляет очередной прием в аспирантуру на 2022–2023 учебный год по специальностям:
  1. «Фольклористика» (10.01.09) – 2 места;
  2. «История Абхазии» (07.00.01.) – 2 места;
  3. «Экономика и управления народным хозяйством» (08.00.05) – 2 места;
  4. «Патологическая физиология» (14.03.03.) – 1 место.
Заявление о приеме в аспирантуру подается на имя президента Академии наук Абхазии. К заявлению прилагаются следующие документы: – заверенная копия диплома об окончании высшего учебного заведения и приложение к нему; – анкета; – выписка из протокола заседания Ученого совета вуза в отношении молодых специалистов, рекомендованных в аспирантуру непосредственно по его окончании; – реферат по избранной специальности с отзывом предполагаемого научного руководителя(до 1 печатного листа); – список опубликованных  научных работ, изобретений и отчетов по научно-исследовательской работе; – медицинская справка (форма № 286); – 4 фотографии 3 х 4; Прием вступительных экзаменов с 14 ноября по 25 декабря 2022 г. Зачисление поступающих в аспирантуру с 1 января 2023 г. Паспорт и оригинал диплома об окончании высшего учебного заведения предъявляются лично. Прием документов производится в Отделе аспирантуры и подготовки кадров АНА с 1 сентября по 14 октября 2022 года по адресу: ул. ак. Марра, 9; тел. 771–23–45;226–66–33. Отдел аспирантуры и подготовки кадров АНА

Бӷажәба Олег Хәыхәыт-иԥа

Археолог, аҭоурыхҭҵааҩ, кавказҭҵааҩ, аҭоурыхтә ҭҵаарадыррақәа рдоктор, апрофессор, ААР алахәыла иаша, анапылампыл азы Аԥсны аспорт азҟаза.

Диит 1941 шықәса нанҳәа аказы Аҟәа ақалақь. 1958 шықәсазы хьтәы медалла далгоит Н. Лакоба ихьӡ зху Аҟәатәи ажәабатәи абжьаратә школ. 1963 шықәсазы диплом ҟаԥшьыла иҵара хиркәшоит А.М. Горки ихьӡ зху Ставропольтәи аҳәынҭқарратә педагогикатә институт аҭоурых-филологиатә факультет. 1967 шықәсазы далгоит СССР Аҭҵаарадыррақәа ракадемиа Археологиа аинститут аҿтәи аспирантура. 1968 шықәсазы аусура далагоит Д.И Гәлиа ихьӡ зхыз Қырҭтәылатәи аҭҵаарадыррақәа ракадемиа иаҵанакуаз Абызшәеи, алитературеи аҭоурыхи ринститут археологиа аҟәшаҿы. Анаҩс уи аҟәша напхгара аиҭоит.

О.Хә. Бӷажәба икандидаттә диссертациа темас иаман «Абжьарашәышықәсазтәи Аԥсны аматериалтә культура. VI–XIII ашә.». Уи қәҿиарала ихьчеит 1972 шықәсазы. Адоктортә диссертациа ихьчеит 1995 шықәсазы «Мраҭашәаратәи Кавказ ҳера ҟалаанӡа I азқьышықәса инаркны – ҳера II азқьышықәса абжанӡа аиха аус адулара нап шаркыз» атемала.

Аԥсны иахьаҵанакуа (ақ. Мықә, Бедиа, Афон Ҿыц) иҟоу аԥсыжырҭақәеи ауахәамақәеи рҿы аҵхрақәа мҩаԥигахьеит, Аԥсны ажәытәтәии абжьарашәышықәсазтәии абаагәарақәа реибаркырақәа ҭиҵаахьеит. СССР Аҭҵаарадыррақәа ракадемиа Археологиа аинститут аԥсабара-ҭҵаарадырратә лабораториа аҟны аиха аҭҵааразы астажировка дахысхьеит. Уахь иара командировка ҳәа дышьҭын 1973–1980 шықәсқәа рзы. Ажәытәтәии Абжьарашәышықәсазтәии Аԥсны аихалыхқәа 500 инареиҳаны анализ рзиуит. СССР иахьаҵанакуа зегь реиҳа ижәытәӡатәиу (III – IV ашә.) дамассктәи аҳәақәа аазырԥшыз иара иоуп. Имҩаԥигаз аҭҵаарақәа ирылҵшәаны О.Хә. Бӷажәба ишьақәиргылеит аҭҵаарадырратә лкаа. Уи излаҳәо ала, Аԥсны аиха аус адулараҿы ижәытәӡатәиу ахәышҭаарақәа иреиуоуп. О.Хә. Бӷажәба ажәахәқәа ҟаиҵахьеит антикаҭҵааҩцәеи византиаҭҵааҩцәеи рконференциақәа рҿы. Ҩынтә аиҭаҭыжьра збахьоу арҵагатә шәҟәы «Аԥсны аҭоурых» аиқәыршәара далахәын (1991, 1993). 2006 шықәсазы иҭыҵыз ажәабатәи ажәеизатәи аклассқәа рзы «Аԥсны аҭоурых» арҵагатә шәҟәы авторцәа дыруаӡәкуп. Иара убас 2007 шықәсазы иҭыҵыз «Ажәытәӡатәи аамҭақәа раахыстәи Аԥсны аҭоурых» авторцәа дреиуоуп.

О.Хә. Бӷажәба 25 шықәса инареиҳаны аус иухьеит Аԥснытәи аҳәынҭқарратә университет аҟны.

Авторс дрымоуп 150 инареиҳаны аҭҵаарадырратә статиақәеи амонографиақәеи.  Аԥсуа ҭҵаарадырраҿ иҟаиҵаз алагалазы О.Хә. Бӷажәба 2011 шықәсазы ихҵан «Аԥсны зҽаԥсазтәыз аҭҵаарадырра аусзуҩ» ҳәа ахьӡ.