Цәыббрамза 22, 2023 шықәсазы Гь. А. Ӡиӡариа ихьӡ зху Аҳәынҭқарратә премиа аиуразы акомиссиа аилатәараҿы аконкурс аихшьала ҟаҵан. Аконкурс рылаҳәан 2023 шықәсазы, агуманитартәи аԥсабаратәи ҭҵаарадыррақәа рыла. Аконкурс аҿы ицәырган 2020 шықәса инаркны 2022-нӡа иҭыжьыз аҭҵаарадырратә усумҭақәа. Акомиссиа маӡалатәи абжьыҭира иалҵшәаны, аиааира ргеит абарҭ аҵарауаа:
- Аӡынба Зураб Иасыф-иԥа – имонографиатә усумҭа «Колхида афлора акальцефильтә ендемикқәа» (Аҟәа, 2021) азы;
- Адлеи-ԥҳа Џьулета Ианкәа-иԥҳа – ҩ-шәҟәык рыла иҟоу лмонографиатә усумҭа «Алакә астильтәи апоетика-композиациатәи система» (Москва, 2020) азы;
- Чрыгба Виачеслав Андреи-иԥа – имонографиатә усумҭақәа «Аԥсни XIII–XV шәышықәсақәа рызтәи италиатәи ақалақь-ҳәынҭқаррақәеи. Аизыҟазаашьақәа рочеркқәа» (Санкт-Петербург, 2020), «Ареспублика Аԥсны ахьыԥшымра адунеижәларбжьаратә зин иаҿырԥшны» (Аҟәа, 2022).
Аԥсны аҭҵаарадырраҿы Гь.А. Ӡиӡариа ихьӡ зху Аҳәынҭқарратә премиа акомиссиа