Урыстәыла аҭҵаарадыррақәа ракадемиа иатәу Аславианҭҵаара аинститут аҵарауаа Ольга Беловеи Владимир Петрухини рлекциақәа мҩаԥысуеит Аԥсны аҭҵаарадыррақәа ракадемиаҿы.
ААР апрезидент Зураб Џьапуа иажәақәа рыла, хәышықәса инеиԥынкыланы Академиаҿы имҩаԥысуеит еицырдыруа аԥснытәии аҳәаанырцәтәии аҭҵааҩцәа рлекциақәа.
Ас еиԥш ақәгыларақәа хықәкы хадас ирымоу – ареспублика аспирантцәеи аҵарауаа ҿарацәеи рдыррақәа рырҭбаара ауп ҳәа азгәеиҭеит Зураб Џьапуа.
Алекциақәа мҩаԥгахоит цәыббра 7, 8, 9 асааҭ 14:00 инаркны. Азыӡырҩцәа ракәхар рылшоит аҭҵаарадырратә специалистцәа рыдагьы изҭаху зегьы.
