2024 шықәса, ԥхынҷкәын 19, асааҭ 11 рзы Аԥсны аҭҵаарадыррақәа ракадемиа Д.И. Гәлиа ихьӡ зху Аԥсуаҭҵааратә институт аҟны еиҿкаахо Адиссертациатә хеилак аилатәараҿы имҩаԥысуеит «Аныҳәарақәеи ашәирақәеи аԥсуа фольклор аҿы» захьӡу атемала (азанааҭ 5.9.4. – афольклорҭҵаара) Саида Олег-иԥҳа Ҳаџьым афилологиатә ҭҵаарадыррақәа ркандидат иҩаӡара лыхҵаразы адиссертациа ахьчара. Адиссертациагьы авторефератгьы шьҭоуп Аԥсуаҭҵааратә институт абиблиотекаҿы, иара убасгьы релектронтә версиақәа ҭоуп Аԥсны аҭҵаарадыррақәа ракадемиа асаит akademra.org «Аҭҵаарадырратә усура» аҟәшаҿы.
