АЛАҲӘАРА

2024 шықәса лаҵарамза 30 рзы асааҭ 11 рзы Аԥсны аҭҵаарадыррақәа ракадемиа Д.И. Гәлиа ихьӡ зху Аԥсуаҭҵааратә институт аҟны еиҿкаахо зныктәи Адиссертациатә хеилак аилатәараҿы имҩаԥысуеит «Ачерқесцәа реибашьратә культура итрадициатәу аинститутқәеи Заатәи Абжьарашәышықәсақәа инадыркны ҩажәатәи ашәышықәса 30-тәи ашықәсқәа рҟынӡа урҭ ирыхҭысыз аҽыԥсахрақәеи» захьӡу атемала (азанааҭ 07.00.07 – аетнографиа, аетнологиа, антропологиа) Асланбек Сулҭан-иԥа Мирзоев аҭоурыхтә ҭҵаарадыррақәа рдоктор иҩаӡара ихҵаразы адиссертациа ахьчара. Адиссертациагьы авторефератгьы шьҭоуп Аԥсуаҭҵааратә институт абиблиотекаҿы, иара убасгьы релектронтә версиақәа ҭоуп Аԥсны аҭҵаарадыррақәа ракадемиа асаит akademra.org «Аҭҵаарадырратә усура» аҟәшаҿы.

АԤСНЫ АҬҴААРАДЫРРАҚӘА РАКАДЕМИА
аԥс
рус
eng

ИԤСҬАЗААРА ДАЛҴИТ АԤСНЫ АЕКОНОМИКЕИ АЗИНҬҴААРЕИ РИНСТИТУТ АИҲАБЫ ЗАУР ШЬАЛАШЬАА

Аԥсны аҭҵаарадыррақәа ракадемиа апрезидиум гәалсра дула адырра ҟанаҵоит иԥсҭазаара дшалҵыз иналукааша аԥсуа ҵарауаҩ-аекономист, аекономикатә ҭҵаарадыррақәа рдоктор, ААР иатәу Аекономикеи азини ринститут адиректор, Аԥсны аҭҵаарадырра зҽаԥсазтәыз аусзуҩ Заур Иван-иԥа Шьалашьаа, иагьрыдышшылоит уи иуацәеи иҭынхацәеи.