З. Џь. Џьапуа
СЫРҴАҨЫ ИШЬХАЦАМҨА (Ш. Ҟ. Арсҭаа ииубилеи аҿтәи ажәа)
Ҳаҭыр зқәу ҳасасцәа, ажәлар!
Шоҭа Ҟасҭеи-иҧа Арсҭаа хьӡи-ҧшеи змоу ашьхацамҩа дшаныц дануп 90 шықәса раахыс. Разҟысгьы иоуит иреиҳаӡоу аҩаӡарахь ахалара.
Аҧсны аҭҵаарадыррақәа ракадемиа аҧхьатәи апрезидент дызнылаз амҩа хараҿы иҟан имаҷымкәа зҿысра мариамыз ахра ҿҟьарсҭақәеи абахәаҧшьқәеи. Аха урҭ дызлариааишаз амчи агәыӷьреи ирҭеит, иларааӡеит ихылҵшьҭреи иҩнаҭеи.
Ҳиубилиар иаб Ҟасҭеи Сабаҟеи-иҧа жәлар рашәаҳәараҿы, ражәабжьҳәараҿы, ҧхьарцеи ҿырпыни рарҳәараҿы ицназгоз дмаҷын. Уи илакҭа иҭаҧшхьаз, иҿцәажәахьаз аҵарауааи ашәҟәыҩҩцәеи – Баграт Шьынқәба, Васо Абаев, Семион Липкин, Иван Кортуа, Шалуа Инал-иҧа, Шоҭа Салаҟаиа, Сергеи Зыхәба уҳәа – рахьтә еицырдыруа апоет Семион Липкин нарҭаа репос иазкны Аҟәа 1963 шықәсазы имҩаҧысуаз аконференциаҿы иҳәон: «Мне запомнился сказитель Арстаа Кастей – еще не старый, в низкой папахе, синей черкеске с белыми газырями. Он исполнял сказание нартов в сопровождении музыки. Первую стопу, обычно двухсложную, он сильно растягивал, затем переходил на речитатив, на быстрый темп. Зачин всегда у него был важный, но в песне о Сасрыкве, как я заметил, речитатив сильно убыстрился. Начинал он спокойно, не повышая голоса. Мне запомнилось вот что: всегда звук у него был открытым – вот это «уаанан» – в повторении очень упорном, звуки были очень открытыми, и я тогда себе записал мысль, что казалось, что он хочет передать нартский эпос через горы всему миру, такими открытыми были эти звуки. Затем он переходил на очень быстрый речитатив»1.
Аҟаза ду ирепертуар еиҳа инеиҵыхны ианызҵаз Баграт Шьынқәба Ҟасҭеи Арсҭаа иҧсы ҭанаҵы дихамшҭуа игәаҿы даанхеит: «Ҟасҭеи Арсҭаа, ҟазак иаҳасаб ала аӡәгьы дилаҩашьомызт. Аҽыбӷаҟаза данҽыжәлалак аҽы шизыӡырҩуа еиҧш, иаашьҭихыз аҧхьарца, иара ишиҭахыз еиҧш, инапи ибжьи ирыцныҟәон… Ашәа анациҳәоз ибжьы рацәак идумзаргьы, ихаакәакәаран, илакьҭа-лакьҭон, икоу-коууан, агәалашәара азынгьы дхәыдамызт: ахәылҧаз итәаз иҟьаҟьаӡа иаашаанӡа ииҳәашаз иман… Игәасҭахьан Ҟасҭеи Арсҭаа иҟазшьак: аҧхьарца аникуаз аҩни тәымџьареи деиҧшымызт. Сценак аҿы данаақәгылалак, абжьааҧны еиҧш, иҧхьарца хиомызт, игәалашәарагьы иаҳа имаҷхон. Ус дшыҟалоз гәеиҭахьан иаргьы, уиакәын асценақәа рахь ацәырҵрақәа зицәымӷыз… Иҩны, иҧхьарца кны аҽҳәа данааҽҳәатәалак, зынӡа даҽаӡәхон. Иҧхьарца ацәа иалҵызшәа иҿыхон, ибжьы гәылшәан, уаанӡа игәаламшәозгьы игәаларшәо иҿынеихон, иаразнакгьы игәаҳәара шьҭыҵуан… Аӡрыҩцәагьы рлымҳа иҭаны иаамтәар ҧсыхәа рымамкәа иаақәирхон. Аепикатә ҳәамҭақәа ракәын Ҟасҭеи Арсҭаа еиҳарак иҽыздицалоз, лаф ашәак ныбжьаиршәуазаргьы, иара инымаалозшәа акәын ишубоз…»2.
Шоҭа Ҟасҭеи-иҧа иҧсҭазаара жәлар рашәаҳәара, ражәабжьҳәара ишазкымхазгьы, даара иҧсабаратәны иаб иепикатә традициақәа шьҭикааит. Иахьатәи ҳаамҭазы иара ишьашәаланы традициала аҧхьарцеи аҿарпыни азырҳәо даҽаӡәы дыҟаны сыздырам. Ари аҟазара уи иахьеи-уахеи илымҳа иҭаҩуан, дшыхәыҷӡаз идикылеит. Иаб иепикатә дыррақәа рӷьырак гәынкыланы, ҳара ҳҿынӡа иааигеит.
Академик иҧсҭазаара абри афольклортә лагамҭа сыҽзаласхалаз схаҭа сахьфольклорҭҵааҩу мацараз акәым. Излазбо ала, аҵарауаҩ ирҿиара аганқәа, ахырхарҭақәа зегьы дшыхәыҷыз дызҿыхәаз абри атрадициатә культура цқьа шьаҭас ироуит, ҧсыс ирхалеит.
Шоҭа Ҟасҭеи-иҧа диижьҭеи 90 шықәса ҵуеит, аус иуеижьҭеи – 60 шықәса! Ҳара 60 зхымҵыцгьы ак ҟаҳҵахьеит ҳәа ҳаҧхьаӡоит, иара ҳара ҳақәра еиҳаны аусура мацара – аҧсуа бызшәа аҧсы ахьҭоу, аструктура аҭҵаара, арҵара, анаука апанхгараҭара иазикхьеит. Иахьагьы Аҧсуа бызшәа академиатә грамматика аҩҩра напхгара аиҭоит, кавказтәи абызшәақәа реиҿырҧшратә грамматикагьы аҧҵара аиҿкаара игәы иҭоуп.
Аҭҵаареи арҵареи Шоҭа Ҟасҭеи-иҧа иусураӡам, иуалафахәы иазкӡам, иара иҧсҭазаароуп. Абас, аҭҵаарадырра уҧсы ҭыхны азыҟазаара, абзиабара ахаҭа аҵкарк илазароуп ауаҩы дҵарауаҩхарц азыҳәа. 60 шықәса аусура абас хьыӡла-ҧшала анысра еиҳагьы иџьашьатәуп уи закәытә аамҭаз ҳаназхәыцлак – ақырҭуара, ашьҭаҧшра, аиашаҳәара анамуаз!..
Ҳхақәиҭратә еибашьра ашьҭахь Шоҭа Ҟасҭеи-иҧа иусура аҽарҿыцит, акыр еиҳахеит. Владислав Арӡынба Аҧсуа ҳәынҭқарра аргылараҿы аҧсшәа аҭыҧ аҧшаара, аус арура даналага, аҧышәеи абаҩхәатәреи змаз алингвистцәа данрызхьаҧш, зегь раҧхьа дгылеит, дыӷәӷәаӡа Аҧсны Ахада дивагылеит Шоҭа Арсҭаа. Иара инапы иҵигеит Аҧсны Аконституциа аҧсшәахь аиҭагара, аҧсышәала амзақәа рыхьӡқәа, Аҧсны аҭыҧ хьыӡқәа, Аҧсны ахсаала, ашьҭыбжьқәа ииашан рыҩра уҳәа, Аҧсуа ҳәынҭқарра аҧсуа хаҿсахьа азҭаша, аҧсышәала аҿы зырцәажәаша акырӡа аус дуқәа!
Уважаемые гости, дорогие коллеги!
Наш прославленный юбиляр внес поистине неоценимый вклад в становление Национальной Академии наук Абхазии, об учреждении которой лидер нации Владислав Ардзинба издал первый документ спустя всего два месяца после Отечественной войны народа Абхазии 1992–93 годов. И здесь пальма первенства была отдана Шоте Константиновичу Арстаа. Именно он был избран первым президентом Академии наук, созданной впервые как высшая самоуправляемая государственная научная организация, учредителем которой является сам президент Республики Абхазия.
Хотя становление Академии наук, как и самого Абхазского государства, проходило в крайне тяжелых социально-экономических условиях, под руководством Шоты Константиновича была определена структура Академии – ее отделения, аппарат президиума, разработан первый Устав Академии, утвержденный Президентом Республики Абхазия Владиславом Ардзинбой 21 января 1999 года. При президиуме АНА были созданы несколько советов и комиссий. В частности, Совет по координации научной деятельности научно-исследовательских учреждений и вузов республики, Редакционно-издательский совет, Археологическая комиссия, Комиссия по международному сотрудничеству. Комплекс этих реальных мер, своевременно, последовательно и настойчиво реализованных первым президентом Академии наук и ее первым составом президиума, несомненно, сыграл важнейшую роль в сохранении научно-исследовательских учреждений и научных кадров страны.
При активном содействии Шоты Константиновича Арстаа и его коллег был написан и принят Закон Республики Абхазия «О науке и государственной научно-технической политике», принятый Народным Собранием – Парламентом Республики Абхазия 21 июля 2005 года и утвержденный Президентом Республики Абхазия Сергеем Васильевичем Багапшем 1 августа 2005 года. В соответствии с этим Законом президиум нашей Академии выполняет функции высшей аттестационной комиссии, обладает правом утверждения диссертационных советов, диссертационных работ и выдачи дипломов доктора и кандидата наук. Кроме того, в Законе о науке прописаны базовые функции Академии, законодательно закреплен ее статус, нормативная система финансирования – из расчета не менее трех процентов расходной части Государственного бюджета.
И все эти основополагающие принципы развития Академии наук Абхазии создавались и принимались под руководством и содействием первого президента Академии – моего учителя и по университету, и по Институту, и по Академии, ныне советника президиума Академии наук, почтенного Шоты Константиновича Арстаа.
Шоҭа Ҟасҭеи-иҧа аҧсшәа дапатриот дууп, иҧсадгьыл ихаҿы изаагом ҧсышәада. «Абызшәа ананыӡаа, амилаҭгьы аныӡаауеит», аҧсшәа аҧеиҧш, абааҧсы, аҧсшәа! – шиҳәац иҳәоит иахьагьы. Абас дшыҳәҳәац дыҳәҳәоит. Дшыҳәҳәоз, саҭашәымҵан, маҷк ихьанҭазаргьы, иҿы ҭхааит! Ҳара аҧсуаа ҳизмырҿыхеит акәымзар! «Аӡ иаго ҳәҳәабжь иаҳауам» рымҳәои. Аҧсышәала аҧхьашьа макьана издыруа зегьы Анцәеи ауааи сыман сшәыҳәоит, ҳаҧхьап, изамыҧхьогьы ҳарзаҧхьап, иаҳҳәап талехәаҧшрала, радиола, интернетла, агазеҭ «Аҧсны» аҵыхәтәантәи аномер иану аҧсшәа аҧеиҧш иазку ҳиубилиар истатиа. Нас, издыруада даҽакала ҳхы ҳазхәыцыр?
Шоҭа Ҟасҭеи-иҧа инапы злакыз, излаку аусхкқәа зегь рҿы Аҧсны ахьыӡ ҭызгор фырхаҵоуп. Аҧсуа бызшәа ашьҭыбжьқәа рышьақәгыларҭа, рартикулиациа инаркны аҳәоу мариа аҟынӡа, уи аҧсшәа аиҿартәышьа дагәылалан дагәылсит. Макьанагьы иҭҵаам шмаҷым ибоит. Усоуп дшыҟоу авторитет змоу аҵарауаҩ ду, ахатәра, аҭҵаарадырра амаестро.
Шоҭа Арсҭаа шьхауаҩуп, шәарыцаҩуп, ахра агәы имоуп, иаб Ҟасҭеи еиҧш алирика акәымкәа, аепос дазҟазоуп. Ашәарыцаҩ аҧсуаа рҿы дфырхаҵан, ижәлар бџьарла, напышьашәала ихьчон. Шоҭа Ҟасҭеи-иҧа шәарыцаҩык, ҵарауаҩык иаҳасаб ала аҧсшәа ахьчара, ажәлар рыхьчара иҽазикит, илшазгьы ҿык-бзык иазҳәарым. Ашәарыцаҩ лыҧшаах иҭӡеиҧш, аҵарауаҩ иҭҵаарадырратә ҭӡы икыдиҵеит хыҧхьаӡара рацәала – афонетика, аморфологиа, асинтаксис уҳәа ирызкны – ашәҟәқәа, арҵагақәа, апрограммақәа, амҩақәҵагақәа.
Шоҭа Ҟасҭеи-иҧа аҧсабаратә баҩхатәра злоу рҵаҩ дуӡӡоуп, жәларык иааӡахьеит. Сара (абра итәоугьы итәамгьы егьырҭ ҵҩа змам иҵаҩцәа реиҧш) насыҧс исоуит Аҧснытәи аҳәынҭқарратә университет аҿы хәышықәса иааиҧмырҟьаӡакәа иара илекциақәа рзыӡыҩрра. Уиаахыс акырџьара алекциақәа срылахәхахьеит, аха ҳиубилиар илекциақәа здыскылаша даҽакы сыздырам. Усҟак имариам аҧсуа бызшәа аграмматика Шоҭа Ҟасҭеи-иҧа иҿынтә иаб иҧхьарца иаҿыҩуашәа иуаҳауан, игәнукылон. Иара изнагашьа иаҵоу амаӡақәа рахьтә ихадараны избоит ҟазшьак – уи иҿуҵааз адыррақәа ҧхьаҟа хашҭшьа умаӡам. Избан акәзар аҵарауаҩ иус ҭакҧхықәра дула, леишәа џьбарала дазнеиуан. Сара исгәалашәом ҳара ҳкурс аҿы хәышықәса рыҩныҵҟа ҳарҵаҩы знымзар-зны алекциа дагханы дыҩнало.
Сгәы иаанагоит, аҵарауаҩ-ааӡаҩ иҭҵаарадырратәи иҧсҭазааратәи мҩа цәаҳәа хаданы, доминантаны иагәылсуеит ҳәа иара ицәаҩа змоу, идырра ҵаулақәа ирхылҿиаауа абарҭ илекциақәа.
Сара исынасыҧхеит даҽакгьы. Аамҭак азы, Владислав Арӡынба излеиӡбаз ала, Аҧсны аҭҵаарадыррақәа ракадемиа Д. И. Гәлиа ихьӡ зху Аҧсуаҭҵааратә институт аҿы Шоҭа Ҟасҭеи-иҧа дҟалеит адиректор ихаҭыҧуаҩыс, сара – Аинститут аҵарауаҩ-маӡаныҟәгаҩыс. Абри аусурагьы иарҿыцит ауниверситет аҿтәи иара ирҵаҩреи сара сҵаҩреи, еиҭах исгәаланаршәеит сырҵаҩы ихатә стиль, ихатә знеишьа. Анаҩсҟа, ишыжәбо, акыр шықәса имҩақәиҵоз Аҧсуа академиа амаҵ аураҿы сара сыгәра игеит. Ус иҟалеит ари аҧсҭазаараҿы сырҵаҩи сареи ҳаимадара, ҳусеицура.
Шоҭа Ҟасҭеи-иҧа длингвиступ, аха ботаникк диеиҵамкәа аҧсабара амаӡақәа идыруеит, иныруеит. Ашьха иаҿоу, абна илоу ашәарах, ажәҩан иалоу аҧсаатә, аӡы иҭоу аҧсыӡ, ҵиаас иҟоу зегьы зызку, иззыхәшәу идыруеит. Изныкымкәа шәарах жьыла ҳирчахьеит ашьха, ага.
90 шықәса зхыҵуа ҳарҵаҩы, ҳааӡаҩ иахьагьы, ишырҳәо еиҧш, аџьыкац даҩызоуп, ашьаб еиҧш дыҟоуп, Ҭырқәтәылатәи ҳашьцәа ишырҳәо еиҧш, иуандыр дақәтәаны ақалақь далоуп.
Шоҭа Ҟасҭеи-иҧа! Шәҭаацәара ду, Аҧсуа академиа, Аҧсынра, шәыжәлар, шәҵаҩцәа шәрыгымзааит! Аҧсуа иқәра наӡа Анцәа ишәанеишьааит!
[1] Аншба А. А. Вопросы поэтики абхазского нартского эпоса / Отв. ред. Ш. Х. Салакая. Тбилиси: Мецниереба, 1970. С. 102.
[2] Шьынқәба Б. У. Ахьырҵәаҵәа: Аҧсуа жәлар рҿаҧыцтә ҳәамҭақәеи ретнографиатә бзазара иадҳәалоу аматериалқәеи / Аҭакзыҧх. аред. Ш. Хь. Салаҟаиа. Аҟәа: Алашара, 1990. Ад. 5.