Лаҵарамза 31 рзын Урыстәылатәи аҭҵаарадыррақәа ракадемиа Аҭоурых-филологиатә ҭҵаарадыррақәа рыҟәшаҿы имҩаҧысуаз абжьыҭираан аурыс ҵарауаа аҧсуа епосҭҵааҩ, афилологиатә ҭҵаарадыррақәа рдоктор, академик, апрофессор, Аҧсуа Академиа апрезидент, Нарҭдырреи адәынтәи афольклорҭҵаареи рцентр адиректор Зураб Џьота-иҧа Џьапуа Урыстәылатәи аҭҵаарадыррақәа ракадемиа аҳәаанырцәтәи алахәыла ҳәа ахьӡ ихҵаразы еицҿакны рыбжьы рҭиит.
Иацы, рашәарамза аказы, Урыстәылатәи аҭҵаарадыррақәа ракадемиа Азеиҧш еизараҿы имҩаҧысуаз абжьыҭира иалҵшәаны, зыбжьы зҭиуаз аурыс академикцәа 1080-ҩык рҟынтәи 1005-ҩык рнапҩахарала Зураб Џьапуа Урыстәылатәи аҭҵаарадыррақәа ракадемиа аҳәаанырцәтәи лахәылас далхын.
Иазгәаҭатәур, аҧсуа гуманитартә ҭҵаарадырраҿы асеиҧш иҟоу ахҭыс шраҧхьатәиу.